ភ្នំពេញះ -ចៅក្រមស៊េីបសួរសាលាដំបូងរាជធានីភ្នំពេញ បានចេញដីកាបង្គាប់ឱ្យឃុំខ្លួនឈ្មោះ សួន ចំរើន ដាក់ពន្ធនាគារម១ ពាក់ព័ន្ធបទល្មើសចំនួន២ បទល្មើស ៖ ញុះញង់ឱ្យមានការរើសអើង និង បទល្មើស ប្រើប្រាស់ដោយគ្មានសិទ្ធិនូវបណ្ណបញ្ជាក់តួនាទីក្នុងវិជ្ជាជីវៈកំណត់ដោយអាជ្ញាធរសាធារណៈ។
– បើតាមការបញ្ជាក់ពី លោក ឆាយ ហុង ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ កាលពីថ្ងៃទី១៦ ខែវិច្ឆិកា ឆ្នាំ២០២៦ បានបញ្ជាក់ថា តំណាងអយ្យការអមសាលាដំបូងរាជធានីភ្នំពេញ សម្រេចចោទប្រកាន់លើជនសង្ស័យ ឈ្មោះ សួន ចំរើន ចំនួន២បទល្មើស ពីបទ ញុះញង់ឲ្យមានការរើសអើង និង បទល្មើស ប្រើប្រាស់ដោយគ្មានសិទ្ធិនូវបណ្ណបញ្ជាក់តួនាទីក្នុងវិជ្ជាជីវៈដែលកំណត់ដោយអាជ្ញាធរសាធារណៈ មាត្រា៤៩៦ និងមាត្រា៦១៨ នៃក្រមព្រហ្មទណ្ឌនៃព្រះរាជាណាចក្រកម្ពុជា។
– គួររំលឹកថា កាលពីថ្ងៃទី១២ ខែវិច្ឆិកា ឆ្នាំ២០២៦ នគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានសហការជាមួយនគរបាលខេត្តបន្ទាយមានជ័យ ធ្វើការឃាត់ខ្លួនជនសង្ស័យម្នាក់ ជាអតីតចាងហ្វាងគេហទំព័រម្នាក់ ករណីក្លែងបន្លំធ្វើជាអ្នកសារព័ត៌មាន បង្កការរំខានដល់ការលក់ដូររបស់ពលរដ្ឋនៅខណ្ឌដូនពេញ។

