ភ្នំពេញះ – បុរសម្នាក់បើករថយន្ត បម្រុងចូលចាក់សាំងបែរជាច្រឡំជាន់ហ្គែរពេញទំហឹង បណ្ដាលឱ្យរថយន្តជ្រុលទៅបុកទូចាក់សាំង បណ្តាលអោយបាក់រលំរងការខូចខាត សំណាងល្អមិនផ្ទុះឆេះ និងគ្មាននរណាម្នាក់រងរបួស។
– ហេតុការណ៍នេះបានកើតឡើងកាលពីវេលាម៉ោង១យប់រំលងអាធ្រាត្រឈានចូលថ្ងៃទី១១ ខែកញ្ញា ឆ្នាំ២០២៦ ស្ថិតនៅតាមបណ្ដោយផ្លូវលេខ៤៨៦ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
សូមចុច Subscribe Channel Telegram (KTN)ដើម្បីទទួលបានព័ត៌មានថ្មីៗទាន់ចិត្ត
https://t.me/topnewsktn
– តាមប្រភពពីកន្លែងកើតហេតុបានអោយដឹងថា មុនពេលកើតហេតុគេបានឃើញបុរសម្នាក់បើករថយន្តមួយគ្រឿង ម៉ាក TOYOTA PRIUS ពាក់ស្លាកលេខ ភ្នំពេញ 2AZ-0993 តាមបណ្តោយផ្លូវលេខ ៤៨៦ តាមពីក្នុងទិសដៅពីកើតទៅលិច គោលបំណងចូលមកចាក់សាំង។
– ប្រភពដដែលបានបន្តថា លុះមកដល់ចំណុចកើតហេតុ បុគ្គលិកអ្នកចាក់សាំង បានធ្វើដៃជាសញ្ញា ដើម្បីអោយរថយន្តបត់ចូលគោលដៅចាក់សាំង ប៉ុន្តែរថយន្តមិនបានបង្អន់ល្បឿន បែរជាបង្កើនល្បឿន ក៏ជ្រុលចង្កូតទៅបុកទូម៉ាស៊ីនចាក់សាំងយ៉ាងពេញទំហឹង បណ្តាលឱ្យខូចខាតទូម៉ាស៊ីនចាក់សាំងចំនួន១ទូ ចំណែករថយន្តរងការខូចខាតមួយកំណាត់ផ្នែកខាងមុខផងដែរ ។
– ក្រោយកើតហេតុ សមត្ថកិច្ចជំនាញមូលដ្ឋាន បានចុះមកដល់កន្លែងហើយហៅភាគីខាងរថយន្តមកសម្របសម្រួលនៅនិងកន្លែងកើតហេតុ ដើម្បីបញ្ចប់រឿង៕
