អន្តរជាតិះ – គេហទំព័រព័ត៌មាន Axios របស់សហរដ្ឋអាមេរិក បានរាយការណ៍ដោយផ្អែកលើប្រភពដើមពីស្ថាប័នរដ្ឋបាលអាមេរិកថា ក្រុមបេសកជនពិសេសរបស់ប្រធានាធិបតីសហរដ្ឋអាមេរិក គឺ លោក Steve Witkoff និង លោក Jared Kushner នឹងទៅបំពេញទស្សនកិច្ចនៅអ៊ុយក្រែន និង ប្រទេសរុស្ស៊ីចុងសប្តាហ៍នេះ ក្នុងគ្រាដែលមានដំណឹងថា ប្រមុខដឹកនាំរុស្ស៊ីនិងអ៊ុយក្រែនចងចរចាបញ្ចប់សង្គ្រាមរ៉ាំរៃជិត៥ឆ្នាំមកនេះ។
សូមចុច Subscribe Channel Telegram (KTN)ដើម្បីទទួលបានព័ត៌មានថ្មីៗទាន់ចិត្ត
https://t.me/topnewsktn
– តាមសេចក្តីរាយការណ៍របស់Axios លោក Witkoff និងលោក Kushner មានផែនការទៅកាន់ទីក្រុងមូស្គូមុន បន្តដំណើរទីកាន់ទីក្រុងកៀវ ដែលប្រតិភូសហរដ្ឋអាមេរិកនេះ នឹងធ្វើជាសន្ធានការីនាំយកនូវលក្ខខណ្ឌទាមទារចុងក្រោយរបស់មេដឹកនាំនៃប្រទេសដែលកំពុងហែកហួរដោយសារសង្គ្រាមដ៏បំផ្លិចបំផ្លាញនេះ។
– ការបំពេញបេសកកម្មរបស់ប្រេសិតពិសេសរបស់លោក ត្រាំ លើកនេះ ក៏ស្របពេលដែលជំហររបស់មេដឹកនាំរុស្ស៊ី និង អ៊ុយក្រែនចង់ចរចាគ្នាទល់មុខដើម្បីបញ្ចប់សង្គ្រាមដ៏ឃោរឃៅមួយនេះ។
– ភ្នាក់ងារសារព័ត៌មាន TASS របស់រុស្ស៊ី បានរាយការណ៍ថា ខ្លួនបានទាក់ទងទៅសេតវិមានអាមេរិក ដើម្បីសុំការបញ្ជាក់អំពីដំណើរទស្សនកិច្ចនេះ ប៉ុន្តែមិនទាន់ទទួលបានការឆ្លើយតបនៅឡើយទេ គិតត្រឹមល្ងាចថ្ងៃសុក្រម៉ោងនៅកម្អុជា។
– Axios បានឱ្យដឹងថា៖ «លោក Witkoff និងលោក Kushner នឹងធ្វើដំណើរនៅថ្ងៃសុក្រ ដោយជួបភាក្សាជាមួយប្រធានាធិបតីរុស្ស៊ី លោក វ្ល៉ាឌីមៀរ ពូទីន នៅវិមានក្រឹមឡាំងនៅថ្ងៃសៅរ៍ [ទី៥ ខែកញ្ញា] ហើយបន្ទាប់មកនឹងជួបជាមួយប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី នៅទីក្រុងកៀវនៅថ្ងៃអាទិត្យ [ទី៦ ខែកញ្ញា]»។
– Axios ក៏បានរាយការណ៍ផងដែរថា «លោក Witkoff និងលោក Kushner បានជួបពិភាក្សាជាមួយប្រធានាធិបតី ដូណាល់ ត្រាំ នៅសេតវិមានកាលពីថ្ងៃព្រហស្បតិ៍ [ទី៣ ខែកញ្ញា] ដើម្បីពិភាក្សាអំពីដំណើរទស្សនកិច្ចនេះ» ។
– បេសកកម្មរបស់ប្រតិភូពិសេសរបស់សហរដ្ឋអាមេរិកនាពេលនេះ បានកើតឡើងតែ ១០ ថ្ងៃប៉ុណ្ណោះ បន្ទាប់ពីនាយកទីភ្នាក់ងារ CIA របស់សហរដ្ឋអាមេរិក លោក John Ratcliffe បានធ្វើដំណើរទៅកាន់ទីក្រុងមូស្គូ យ៉ាងសម្តាត់រយៈពេលត្រឹមប៉ុន្មានម៉ោង ដើម្បីជួបជាមួយប្រធានភ្នាក់ងារស៊ើបការណ៍សម្ងាត់ និងសន្តិសុខរុស្ស៊ីនៅទីក្រុងមូស្គូកាលពីសប្តាហ៍មុននោះ។
– តាមសេចក្តីរាយការណ៍របស់ TASS អ្នកនាំពាក្យវិមានក្រឹមឡាំង លោក Dmitry Peskov បានថ្លែងនៅក្នុងសន្និសីទសារព័ត៌មានកាលពីថ្ងៃសុក្រថា វិមានក្រឹមឡាំងនឹងជូនដំណឹងអំពីទំនាក់ទំនងរវាងរដ្ឋាភិបាលរុស្ស៊ី និងលោក Witkoff ព្រមទាំងលោក Kushner នៅពេលដែលជំនួបនោះកើតឡើង៕
