អន្តរជាតិះ – ប្រធានាធិបតីសហរដ្ឋអាមេរិក លោក ដូណាល់ ត្រាំ បានលើកឡើងជាថ្មីម្តងទៀតនៅថ្ងៃពុធថា ការធ្វើសង្គ្រាមរបស់សហរដ្ឋអាមេរិក ជាមួយនឹងអ៊ីរ៉ង់ គឺដើម្បីការពារអ៊ីស្រាអែល មជ្ឈិមបូព៌ា និងប្រទេសលោកខាងលិច ពីការវាយប្រហារដែលអាចកើតមានពីសំណាក់ប្រទេសអ៊ីរ៉ង់។
សូមចុច Subscribe Channel Telegram (KTN)ដើម្បីទទួលបានព័ត៌មានថ្មីៗទាន់ចិត្ត
https://t.me/topnewsktn
– លោក ត្រាំ និយាយថា៖ « យើងកំពុងធ្វើវា[ប្រឈមមុខជាមួយអ៊ីរ៉ង់] ដើម្បីជួយមជ្ឈិមបូព៌ា។ យើងកំពុងធ្វើវា ដើម្បីជួយអ៊ីស្រាអែល។ យើងកំពុងធ្វើវា ដើម្បីជួយខ្លួនយើង ពីព្រោះបន្ទាប់ពីពួកគេបំផ្លាញអ៊ីស្រាអែល ដោយរីករាយ បន្ទាប់មកមជ្ឈិមបូព៌ា បន្ទាប់មកទៀតពួកគេមកតាមដល់អឺរ៉ុប ហើយពួកគេនឹងមកតាមទីក្រុងមួយចំនួនរបស់យើង។ សហរដ្ឋអាមេរិក កំពុងធ្វើបានល្អជាមួយអ៊ីរ៉ង់»។
– មុននេះ លោក ត្រាំ បានធានាដល់ប្រជាជនអ៊ីស្រាអែលអំពីការកើនឡើងនៃភាពតានតឹងចុងក្រោយជាមួយទីក្រុងតេហេរ៉ង់។
– លោកប្រាប់អ្នកផ្សាយព័ត៌មានអ៊ីស្រាអែល KAN នៅថ្ងៃទី០៣ ខែកញ្ញា ថា៖ « អ៊ីស្រាអែលមិនគួរព្រួយបារម្ភទេ។ អ្នកដឹង ថាហេតុអ្វីទេ? ព្រោះខ្ញុំជាប្រធានាធិបតី ហើយខ្ញុំនឹងថែរក្សាអ៊ីស្រាអែល»។
– ការអត្ថាធិប្បាយទាំងនេះត្រូវបានធ្វើឡើង ចំពេលផ្ទុះសង្រ្គាមឡើងសារជាថ្មី បន្ទាប់ពីបញ្ចប់ភាពស្ងប់ស្ងាត់ប្រហែលមួយខែកន្លងមក។
– គួរបញ្ជាក់ថា សហរដ្ឋអាមេរិកបានវាយប្រហារប្រព័ន្ធបាញ់រ៉ុក្កែតនៅលើកោះ Larak ក្នុងប្រទេសអ៊ីរ៉ង់ អំឡុងពេលចុងសប្តាហ៍។ ចំណែកទីក្រុងតេហេរ៉ង់បានឆ្លើយតបដោយការបាញ់មីស៊ីលទៅកាន់ប្រទេសហ្ស៊កដានី និងអារ៉ាប់រួម។
– សេចក្តីថ្លែងការណ៍ទាំងនេះសមនឹងសម្តី លោក ត្រាំ ដែលអះអាងជាសាធារណៈអំពីការទទួលខុសត្រូវផ្ទាល់ខ្លួន ចំពោះសន្តិសុខរបស់អ៊ីស្រាអែល។
– លោកបានដាក់ការគាំទ្ររបស់សហរដ្ឋអាមេរិក ចំពោះទីក្រុង Tel Aviv ថាជាការធានាផ្ទាល់ខ្លួនជាជាងសម្ព័ន្ធភាពអចិន្ត្រៃយ៍។ លោកនិយាយម្តងហើយម្តងទៀតថា៖ « បើគ្មានខ្ញុំទេ ក៏នឹងគ្មានអ៊ីស្រាអែលដែរ»។
– គួរបញ្ជាក់ថា ភាពតានតឹងនៅមជ្ឈិមបូព៌ា បានកើនឡើងសារជាថ្មី និងកាន់តែខ្លាំងជាងមុន ក្រោយសហរដ្ឋអាមេរិកបើកការវាយប្រហារចំផ្ទះជនស៊ីវិល កំពុងរៀបចំពិធីមង្គលការ បណ្តាលឱ្យមានមនុស្សស្លាប់និងរបួស៕
