ភ្នំពេញះ – តម្លៃហាងឆេងមាសនៅលើទីផ្សារអន្តរជាតិបានងើបឡើងវិញបន្តិចដល់ ៥៣០០ ដុល្លារ ក្នុងមួយតម្លឹង នៅព្រឹកថ្ងៃព្រហស្បតិ៍ទី ០៣ ខែកញ្ញា ២០២៦ កើនពីជាង ៥២០០ ដុល្លារ កាលពីថ្ងៃម្សិលមិញ នៅចំពេលដែលមានភាពតានតឹងរវាងសហរដ្ឋអាមេរិក និងអ៊ីរ៉ង់។
សូមចុច Subscribe Channel Telegram (KTN)ដើម្បីទទួលបានព័ត៌មានថ្មីៗទាន់ចិត្ត
https://t.me/topnewsktn
– លោក ឡុង សំណាង នាយកអភិវឌ្ឍអាជីវកម្មនៃក្រុមហ៊ុន PP Link securities មានប្រសាសន៍ថា និន្នាការមាសកើនឡើងនៅក្នុងខែកញ្ញានេះ ប៉ុន្តែរង់ចាំរបាយការណ៍កំណើនការងារនៅសហរដ្ឋអាមេរិកនៅថ្ងៃសុក្រចុងសប្ដាហ៍នេះ ដែលតាមការព្យាករនឹងមានការកើនឡើងកំណើនការងារ ប៉ុន្តែមិនច្រើនទេ ដែលរុញច្រានឱ្យតម្លៃមាសធ្លាក់ចុះបន្តិចហើយ មាស នឹងហក់ឡើងត្រឡប់ទៅវិញ។
– លោកឧកញ៉ា ចិន សំណាង ម្ចាស់ហាងមាសពេជ្រ CSNJ យល់ឃើញថា តម្លៃហាងឆេងមាសមានភាគរយខ្ពស់កើនឡើងវិញ ដោយសាររបាយការណ៍ការងារផ្សេងៗ ខណៈធនាគារកណ្ដាលអាមេរិកនឹងបើកការប្រជុំនៅថ្ងៃ ១៦ កញ្ញា ទី២ លុយដុល្លារ នឹងចុះខ្សោយធ្វើឱ្យសេដ្ឋកិច្ចសកលរើបឡើងវិញបន្តិច ហើយដល់ពេលវេលាវិស័យគ្រឿងអលង្កា និងការដាក់តាំងពិព័រណ៍ផ្សេង។
– គិតត្រឹមម៉ោង ៩ ព្រឹកថ្ងៃព្រហស្បតិ៍ ទី ០៣ កញ្ញា ២០២៦ តម្លៃមាសក្នុងស្រុក នៅតាមបណ្ដាហាងនានាក្នុងរាជធានីភ្នំពេញ លក់ចេញ ៥២៥ ដុល្លារ ក្នុងមួយជី៕
