បន្ទាយមានជ័យ ៖- កាលថ្ងៃទី៣០ ខែ សីហា ឆ្នាំ២០២៦កម្លាំងប៉ុស្តិ៍នគរបាលរដ្ឋបាលសង្កាត់ប៉ោយប៉ែត បានចុះប្រតិបត្តិការនៅចំណុចផ្លូវលំ ស្ថិតនៅភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានធ្វើការឃាត់ខ្លួនជនសង្ស័យចំនួន២នាក់៖ ១.ឈ្មោះ ផន សំហេង ភេទប្រុស ជនជាតិខ្មែរ អាយុ២៤ឆ្នាំ ២.ឈ្មោះ គៀប ឡៃហេង ភេទប្រុស ជនជាតិខ្មែរ អាយុ២៤ឆ្នាំ និងដកបានវត្ថុតាងក្បាលផតខេ(POD K)ចំនួន០៥កញ្ចប់វេចខ្ចប់រួច និងទូរសព្ទ័ដៃចំនួន១គ្រឿង។
សូមចុច Subscribe Channel Telegram (KTN)ដើម្បីទទួលបានព័ត៌មានថ្មីៗទាន់ចិត្ត
https://t.me/topnewsktn
– លោកឧត្តមសេនីយ៍ត្រី ធិន សុិនដេត បានបញ្ជាក់ឲ្យដឹងថា÷ក្រោយពីសួរចម្លើយជនសង្ស័យខាងលេីរួចមក កម្លាំងជំនាញបានឈានទៅធ្វើការឃាត់ខ្លួនជនសង្ស័យចំនួន២នាក់បន្ថែមទៀតក្នុងនោះស្រី១នាក់៖ ១.ឈ្មោះ POMARIO ភេទប្រុស អាយុ២៩ឆ្នាំ ជនជាតិឥណ្ឌូណេស៊ី ២.ឈ្មោះ ឆាយ សិលា ភេទស្រី អាយុ២២ឆ្នាំ ជនជាតិខ្មែរ ជាមួយនឹងការឃាត់ជនសង្ស័យទាំង២នាក់នេះ សមត្ថកិច្ចធ្វើការដកហូតបានវត្ថុតាងរួមមាន៖ -ទូរសព្ទ័ដៃចំនួន០១គ្រឿង -ក្បាលផតខេ(POD K)ដែលវេចខ្ចប់រួចចំនួន១៥កញ្ចប់ -ក្បាលផតខេ(POD K)ដែលមិនទាន់វេចខ្ចប់គ្មានទឹកចំនួន១៥ក្បាល -ម៉ាស៊ីនផតខេ(POD K)ចំនួន២ដេីម -សំបកថង់សម្រាប់វេចខ្ចប់មួយចំនួន៕
