អន្តរជាតិះ – ប្រធានាធិបតីអាមេរិកលោក ដូណាល់ ត្រាំ បានព្រមានអ៊ីរ៉ង់ឱ្យបញ្ឈប់ការដាក់ពង្រាយមីននៅច្រកសមុទ្រ Hormuz ជាបន្ទាន់។
សូមចុច Subscribe Channel Telegram (KTN)ដើម្បីទទួលបានព័ត៌មានថ្មីៗទាន់ចិត្ត
https://t.me/topnewsktn
– លោក ត្រាំ បានបង្ហោះនៅលើ Truth Social ថា ខ្ញុំទើបតែទទួលបានការជូនដំណឹងពីកងទ័ពជើងទឹកសហរដ្ឋអាមេរិកថា មីនទាំងអស់ត្រូវបានដកចេញ បំផ្ទុះចោលក្នុងដែនទឹកអន្តរជាតិនៃច្រកសមុទ្រ Hormuz។
– លើសពីនេះ ក៏មានការជូនដំណឹងដល់អ៊ីរ៉ង់ថា កប៉ាល់ ឬទូកណាមួយដែលធ្វើសកម្មភាពដាក់មីនជាថ្មីនៅច្រកនេះនឹងត្រូវបំផ្លាញចោលភ្លាមៗ និងជាប្រព័ន្ធតែម្ដង។
– លោក បានបន្ថែមថា អាមេរិក នឹងអនុវត្តន៍គោលនយោបាយមិនអត់ឱនចំពោះការដាក់មីនយ៉ាងពេញលេញ និងមានប្រសិទ្ធភាព នៅច្រកនេះ។
– ទន្ទឹមនោះ កងកម្លាំងអវកាសអាមេរិក ក៏កំពុងតាមដានយ៉ាងដិតដល់នូវស្ថានភាពនៅក្នុងច្រកសមុទ្រ Hormuz និងភ្នំ Pickaxe រួមទាំងទីតាំងនុយក្លេអ៊ែរ ៣ ផ្សេងទៀតនៅក្នុងប្រទេសអ៊ីរ៉ង់។
– សហរដ្ឋអាមេរិក បានវាយប្រហាររោងចក្រនុយក្លេអ៊ែរអ៊ីរ៉ង់នៅ Isfahan, Natanz និង Fordow ក្នុងខែមិថុនា ឆ្នាំ ២០២៥ ។
– លោក ត្រាំ បានប្រកាសពីការចាប់ផ្តើមសង្គ្រាមសេដ្ឋកិច្ច និងការដាក់ឱ្យសេដ្ឋកិច្ចឯកោក្នុងទ្រង់ទ្រាយធំមិនធ្លាប់មានពីមុនមកប្រឆាំងនឹងអ៊ីរ៉ង់។ មេដឹកនាំអាមេរិក ក៏បានព្រមានផងដែរថា ប្រទេសណាដែលមានស្ថាប័នហិរញ្ញវត្ថុ អាជីវកម្ម ឬភ្នាក់ងាររដ្ឋាភិបាលគាំទ្រទីក្រុងតេអេរ៉ង់ នឹងប្រឈមមុខនឹងផលវិបាកសេដ្ឋកិច្ចធ្ងន់ធ្ងរពីទីក្រុងវ៉ាស៊ីនតោនដូចគ្នា។
– ជុំវិញផែនការនេះ ក្រសួងការបរទេសអ៊ីរ៉ង់ បានរិះគន់ថាជា «ភេរវកម្មសេដ្ឋកិច្ច និងជាឧក្រិដ្ឋកម្មប្រឆាំងនឹងមនុស្សជាតិ»។ ក្រសួងដដែល បន្តថារដ្ឋបាលអាមេរិក អ្នកដែលបង្កើតផែនការដាក់ទណ្ឌកម្ម និងអ្នកដែលកំពុងអនុវត្តផែនការទាំងនោះ ត្រូវតែទទួលទណ្ឌកម្មសមស្រប ត្រឡប់ទៅវិញ៕
