ត្រាំ អំពាវនាវឱ្យប្រទេសមួយចំនួនរាប់អានអ៊ីស្រាអែលធម្មតាឡើងវិញ

អន្តរជាតិះ- ក្នុងអំឡុងពេលសន្និសីទតាមទូរស័ព្ទ កាលពីថ្ងៃសៅរ៍ ជាមួយមេដឹកនាំនៃប្រទេសមជ្ឈិមបូព៌ាជាច្រើន រួមទាំងប៉ាគីស្ថាន លោកប្រធានាធិបតីអាមេរិក ដូណាល់ ត្រាំ បានអំពាវនាវឱ្យមានការចូលរួមជាមួយកិច្ចព្រមព្រៀងអាប្រាហាំ ដើម្បីធ្វើឱ្យទំនាក់ទំនងជាមួយអ៊ីស្រាអែលមានលក្ខណៈធម្មតា ប្រសិនបើទីក្រុងវ៉ាស៊ីនតោន និងទីក្រុងតេអេរ៉ង់ឈានដល់កិច្ចព្រមព្រៀងសន្តិភាព។

សូមចុច Subscribe Channel Telegram (KTN)ដើម្បីទទួលបានព័ត៌មានថ្មីៗទាន់ចិត្ត
https://t.me/topnewsktn

– យោងតាមរបាយការណ៍របស់ Axios រាយការណ៍ថា ក្នុងអំឡុងពេលសន្និសីទតាមទូរស័ព្ទនៅថ្ងៃទី ២៣ ខែឧសភា ជាមួយមេដឹកនាំនៃប្រទេសបារ៉ែន អេហ្ស៊ីប ហ្ស៊កដានី កាតា អារ៉ាប់រួម ប៉ាគីស្ថាន អារ៉ាប៊ីសាអូឌីត និងតួកគី លោក ត្រាំ បានសម្តែងក្តីសង្ឃឹមថា បន្ទាប់ពីបញ្ចប់ជម្លោះអ៊ីរ៉ង់ ប្រទេសដែលមិនមែនជាភាគីនៃកិច្ចព្រមព្រៀងអាប្រាហាំ ឬមិនមានសន្ធិសញ្ញាសន្តិភាពជាមួយអ៊ីស្រាអែល គួរតែធ្វើឱ្យទំនាក់ទំនងជាមួយទីក្រុង Tel Aviv មានលក្ខណៈធម្មតាឡើងវិញ។

– ទន្ទឹមនោះ តំណាងនៃប្រទេសកាតា ប៉ាគីស្ថាន និងអារ៉ាប៊ីសាអូឌីត ដែលមិនមានទំនាក់ទំនងការទូតជាមួយអ៊ីស្រាអែល ក៏សម្ដែងការភ្ញាក់ផ្អើលចំពោះសំណើរបស់លោកនេះផងដែរ។

– មេដឹកនាំអាមេរិករូបនេះ បានកត់សម្គាល់ថា បេសកជនពិសេសរបស់ប្រធានាធិបតីលោក Steve Witkoff និងសហគ្រិន Jared Kushner នឹងដោះស្រាយបញ្ហានៃការធ្វើឱ្យទំនាក់ទំនងរវាងប្រទេសទាំងនេះ និងអ៊ីស្រាអែលមានលក្ខណៈធម្មតាឡើងវិញ នៅក្នុងប៉ុន្មានសប្តាហ៍ខាងមុខនេះ។

– លើសពីនេះ នៅក្នុងការបង្ហោះមួយលើប្រព័ន្ធផ្សព្វផ្សាយសង្គម Truth Social ប្រធានាធិបតីអាមេរិក ក៏បានណែនាំថា អ៊ីរ៉ង់ប្រហែលជាចង់ចូលរួមក្នុងកិច្ចព្រមព្រៀងអាប្រាហាំនាពេលអនាគតនេះផងដែរ៕