អន្តរជាតិះ- អ្នកនាំពាក្យក្រសួងការបរទេសអ៊ីរ៉ង់ លោក Esmaeil Baghaei បាននិយាយថា ការឆ្លើយតបរបស់អ៊ីរ៉ង់ចំពោះសំណើរបស់សហរដ្ឋអាមេរិក រួមមានការទាមទារឱ្យមានការធានាសុវត្ថិភាពនៃការធ្វើនាវាចរណ៍នៅច្រកសមុទ្រ Hormuz និងបញ្ចេញទ្រព្យសម្បត្តិបង្កកឱ្យក្រុតេហេរ៉ង់វិញ។
សូមចុច Subscribe Channel Telegram (KTN)ដើម្បីទទួលបានព័ត៌មានថ្មីៗទាន់ចិត្ត
https://t.me/topnewsktn
– លោក Baghaei បានថ្លែងក្នុងសន្និសីទសារព័ត៌មានមួយថា ការទាមទាររបស់អ៊ីរ៉ង់គឺឱ្យបញ្ឈប់សកម្មភាពវាយប្រហារ ឬយាយីប្រឆាំងនឹងនាវាអ៊ីរ៉ង់, ការទាមទារឱ្យបញ្ចេញទ្រព្យសម្បត្តិដែលបង្កកឱ្យក្រុងតេហេរ៉ង់វិញដែលត្រូវបានកាន់កាប់ដោយខុសច្បាប់អស់រយៈពេលជាច្រើនឆ្នាំនៅក្នុងធនាគារបរទេសដោយសារតែសម្ពាធពីសហរដ្ឋអាមេរិក។
– ទន្ទឹមនោះ លោក Baghaei ក៏បានចោទសួរថាតើនេះជាការទាមទារហួសហេតុទេ។ លោក បានបន្ថែមថា សំណើរបស់យើងគឺដើម្បីធានាចលនាសុវត្ថិភាពនៅក្នុងច្រកសមុទ្រ Hormuz តើវាហួសហេតុទេ។
– ដូចគ្នានេះដែរ យោងតាមលោក បានឱ្យដឹងថា ក្នុងអំឡុងការស្នើសំណើសន្តិភាពជាមួយអាមេរិក អ៊ីរ៉ង់មិនបានលើកឡើងពីបញ្ហាទាក់ទងនឹងកម្មវិធីនុយក្លេអ៊ែរនោះទេ។
– ទោះជាយ៉ាងណា លោក បន្តថា នៅដំណាក់កាលនេះ ការផ្តោតសំខាន់គឺការបញ្ចប់សង្គ្រាម។ ទាក់ទងនឹងបញ្ហានុយក្លេអ៊ែររបស់អ៊ីរ៉ង់ និងប្រធានបទទាក់ទងនឹងការបង្កើនប្រសិទ្ធភាព ការសម្រេចចិត្តនាពេលអនាគត និងជម្រើសដែលត្រូវពិចារណា នេះគឺជាបញ្ហាដែលយើងពិតជានឹងពិភាក្សានៅពេលដ៏សមស្របណាមួយ។
– លោក Baghaei ក៏បានកត់សម្គាល់ថា អ៊ីរ៉ង់ សោកស្តាយចំពោះការមិនទទួលយករបស់លោក ត្រាំ ជុំវិញការឆ្លើយតបនេះ។
– គួរបញ្ជាក់ថា ប្រធានាធិបតីលោក ដូណាល់ ត្រាំ បានច្រានចោលការឆ្លើយតបរបស់អ៊ីរ៉ង់ចំពោះសំណើរបស់សហរដ្ឋអាមេរិកក្នុងការបញ្ចប់សង្គ្រាមថា “មិនអាចទទួលយកបានទាំងស្រុង”៕
