កំពង់ស្ពឺ ៖ – សមត្ថកិច្ចខេត្តកំពង់ស្ពឺ សហការគ្នា ស្រាវជ្រាវ ចាប់ខ្លួនយុវជន ៦នាក់ ពាក់ពន្ធ័បទល្មើសប្រើកាំបិត ដាវ ដំបង កាប់វាយប្លន់យកម៉ូតូជនរងគ្រោះនៅរសៀលថ្ងៃទី៣០ខែសីហាឆ្នាំ២០២៥។
សូមចុច Subscribe Channel Telegram (KTN)ដើម្បីទទួលបានព័ត៌មានថ្មីៗទាន់ចិត្ត
https://t.me/topnewsktn
– លោកអធិការនគរបាលស្រុកភ្នំស្រួច បញ្ជាក់ថា កាលពីថ្ងៃទី៣០ ខែសីហា ឆ្នាំ២០២៥ វេលាម៉ោង១៤និង២០នាទី នៅមុខផ្ទះលក់ចាប់ហួយ និងសាំងភូមិរស្មីសាមគ្គី ឃុំជាំសង្កែ ស្រុកភ្នំស្រួច មានករណីលួចដោយមានស្ថានទម្ងន់ទោស(ប្លន់យកម៉ូតូហុងដាឌ្រីមភ្នំពេញ1GB-9039)បង្កដោយជនសង្ស័យ៦នាក់ មិនស្គាល់អត្តសញ្ញាណ ជិះម៉ូតូ០៣គ្រឿងប្រើ កាំបិតបុ័ងតោ ដាវ និងខ្សែក្រវ៉ាត់ធ្វេីសកម្មភាព ។
បន្ទាប់មកកម្លាំងជំនាញព្រហ្មទណ្ឌសមត្ថកិច្ចបានស្រាវជ្រាវ និងឃាត់ខ្លួនមុខសញ្ញាចំនួន៦នាក់៖ ១.ឈ្មោះសេង ឡុង ប្រុស ១៩ឆ្នាំ ២.ឈ្មោះ ផាវ ថេត ប្រុស ១៤ឆ្នាំ ៣.ឈ្មោះអ៊ុន សុខគា ប្រុស ១៧ឆ្នាំ ៤.ឈ្មោះ គឿង ប៊ុនណា ប្រុស ១៨ឆ្នាំ ៥.ឈ្មោះ សែត ឆាត ប្រុស ២៣ឆ្នាំ ៦.ឈ្មោះ ភា សំណាង ប្រុស ២០ឆ្នាំ ដកហូតម៉ូតូ៣គ្រឿង(រកឃេីញម៉ូតូជនរងគ្រោះ១គ្រឿង -ម្សៅក្រាមពណ៍សថ្លាសង្ស័យគ្រឿងញៀន ៤កញ្ចប់-កាំបិតកែច្នៃ១ដើម-ពូថៅ២ដើម-ទូរស័ព្ទដៃ៣គ្រឿង-កាតាបស្ពាយសំរាប់ដាក់ពូថៅ១-ក្បាំងមុខម៉ូតូមួយចំនួន។
តាមចម្លើយសារភាពក្រុមជនសង្ស័យធ្លាប់ធ្វើសកម្មភាពប្លន់ម៉ូតូ៣លើក ក្នុងភូមិសាស្រ្ដខេត្ដកំពង់ស្ពឺ ប៉ុន្ដែជំនាញបន្ដសាកសួរ និងពិនិត្ករណីនេះ
បន្ថែមទៀតលេីករណីកេីតហេតុដែលបង្កឡេីងដោយក្រុមចោរសកម្ម។
– បច្ចុប្បន្នជនសង្ស័យបាននាំយកមកកាន់ស្នងការដ្ឋាននគរបាលខេត្ដកំពង់ស្ពឺ ដេីម្បីចំណាត់ការបន្ដ និងកសាងសំណុំរឿងបញ្ជូនទៅអយ្យការ ចាត់ការតាមនីតិវិធីច្បាប់៕
