សហព័ន្ធស្រូវអង្ករកម្ពុជា បានគូសបញ្ជាក់ថា ១១ខែនៃឆ្នាំ២០២៤ កម្ពុជានាំចេញអង្ករបានជាង៥,៧សែនតោន ទៅកាន់ទីផ្សារអន្តរជាតិចំនួន៦៧គោលដៅ ដោយក្នុងនោះ នទៅកាន់ទ្វីបអឺរ៉ុបចំនួនជាង២,៨សែនតោន សរុបជាទឹកប្រាក់ជាង២០៧លានដុល្លារ, ទៅកាន់អាហ្វ្រិក និងមជ្ឈិមបូព៌ា ចំនួន៦,៨ម៉ឺនតោន ក្នុងទឹកប្រាក់ជាង៦០លានដុល្លារ, ទៅកាន់ប្រទេសសមាជិកអាស៊ាន ចំនួនជាង១,១សែនតោន គិតជាទឹកប្រាក់ជាង ៧៦លានដុល្លារ, ទៅកាន់ប្រទេសចិន និងតំបន់រដ្ឋបាលស្វយ័ត ចំនូនជាង១សែនតោន គិតជាទឹកប្រាក់ជិត៧០លានដុល្លារ។
សហព័ន្ធស្រូវអង្ករ បានឱ្យដឹងបន្តថា ប្រភេទអង្ករនាំចេញរួមមាន អង្ករក្រអូបគ្រប់ប្រភេទចំនួនជាង៧៤ភាគរយ អង្ករសគ្រាប់វែងជាង២០ភាគរយ អង្ករចំហុយជិត៣ភាគរយ អង្ករសរីរាង្គជិត២ភាគរយ ព្រមទាំងអង្ករផ្សេងៗទៀតចំនួន ០,២៩ភាគរយ។ ក្នុងនោះចំនួន៨៨ភាគរយបានឆ្លងកាត់ការស្នើសុំការបញ្ជាក់ឯកសារនាំចេញពីអាជ្ញាធរមានសមត្ថកិច្ច៕
