កីឡា៖ – ក្លឹបព័រទុយហ្គាល់បាននិយាយថា Manchester United មានចំណាប់អារម្មណ៍ក្នុងការតែងតាំងអ្នកចាត់ការក្លឹប Sporting លោក Ruben Amorim ជាអ្នកចាត់ការថ្មីរបស់ពួកគេ ហើយបានសុខចិត្តចំណាយប្រាក់ ១០ លានអឺរ៉ូ (៨,៣ លានផោន) ដើម្បីផ្ដាច់កុងត្រារបសលោក Amorim ពីក្លឹប។
– បិសាចក្រហម Man Utd កំពុងត្រូវការអ្នកចាត់ការថ្មី បន្ទាប់ពីបានបណ្តេញលោក Erik ten Hag កាលពីថ្ងៃច័ន្ទ នឹងបានតែងតាំងលោក Ruud van Nistelrooy ជាគ្រូបណ្តោះអាសន្ន។
– Sporting បាននិយាយនៅក្នុងសេចក្តីថ្លែងការណ៍មួយទៅកាន់សារព័ត៌មានព័រទុយហ្គាល់ ថា “Man Utd បានបង្ហាញពីចំណាប់អារម្មណ៍របស់ពួកគេក្នុងការយកគ្រូបង្វឹក Ruben Amorim ហើយបាននិយាយថាពួកគេត្រៀមខ្លួនរួចរាល់ហើយក្នុងការបង់ប្រាក់ ១០ លានអឺរ៉ូ”ដើម្បីផ្ដាច់កុងត្រា ។ ប៉ុន្តែអ្វីនៅមិនទាន់សម្រេចនៅឡើយទេ ខណៈក្រុម Man Utd បានបដិសេធមិនធ្វើអត្ថាធិប្បាយលើរបាយការណ៍នេះទេ។
– សូមជម្រាបថា លោក Amorim វ័យ ៣៩ ឆ្នាំត្រូវបានគេចាត់ទុកថាជាគ្រូបង្វឹកដ៏មានឥទ្ធិពលមួយរូប ដែលបានជួយជ្រោមជ្រែង Sporting សម្រេចកិច្ចការធំ តាមរយៈឈ្នះជើងឯកលីគព័រទុយហ្គាល់ ឆ្នាំ២០២១ ក្រោយពេលខកខានអស់រយៈពេល ១៩ឆ្នាំ បន្ទាប់ពីចូលដឹកនាំនៅឆ្នាំ២០២០ រួចមក៕
