កីឡា ៖ – ការប្រកួត UEFA Champions League យប់មិញនេះក្នុងជំនួបរវាងអធិរាជស Real Madrid និង Dortmund ស៊ុតគ្នាសាហាវមែនទែន ពោលគឺមានគ្រាប់បាល់កើតឡើងរហូតដល់ទៅ៧គ្រាប់ក្នុងនោះ Vinícius Júnior រកបាន Hat-Trick នាំឲ្យម្ចាស់ផ្ទះយកឈ្នះក្រុមផ្ញៀវ៥-២។
– ក្នុងការប្រកួតនេះ ក្រុមភ្ញៀវ Dortmund រកបាន២គ្រាប់មុននៅនាទីទី៣០ និង៣៤ ។ ក្នុងវគ្គទី១នេះគេមើលឃើញថា Real Madrid មានឱកាសច្រើនដែរ តែស៊ុតមិនចូលទាល់តែសោះ។
– លុះចូលវគ្គទី២ Real Madrid ចាប់ផ្ដើមសម្រុមកខ្លាំងរហូតរកបាន៥គ្រាប់តែម្ដង រួមមានកីឡាករ A. Rüdiger មួយគ្រាប់នាទីទី៦០ , L. Vázquez មួយគ្រាប់នាទីទី៨៣ និង Vinícius Júnior រកបាន៣គ្រាប់នាទីទី៦២,៨៦ និងនាទីទី៩០+៣។ចប់ការប្រកួតម្ចាស់ផ្ទះយកឈ្នះក្រុមផ្ញៀវ៥-២។
– សូមបញ្ជាក់ថា ជំនួបយប់មិញរវាងក្រុមម្ចាស់ផ្ទះ Real Madrid និង Dortmund ហ្នឹងគឺជាការប្រកួតសន្សំពិន្ទុសប្ដាហ៍ទី៣ ហើយ៣លើកនេះក្រុមទាំងពីរឈ្នះ២ចាញ់១ដូចគ្នា ធ្វើឲ្យពួកគេមាន៦ពិន្ទុស្មើគ្នាតែម្ដង៕
