ពលករខ្មែរ ៤ នាក់ស្លាប់ ដោយគ្រោះថ្នាក់ចរាចរណ៍នៅឃុំខ្លងហាត ខេត្តស្រះកែវ ប្រទេសថៃ

ថៃ/ – ពលករខ្មែរ៤នាក់ បានស្លាប់ ចំណែកជនជាតិថៃ១គ្រួសារចំនួន ៤ នាក់ទៀត បានរងរបួសធ្ងន់ស្រាល នៅក្នុងហេតុការណ៍គ្រោះថ្នាក់ចរាចរណ៍រវាងរថយន្តមេខ្យល់ថៃដឹកពលករខ្មែរបើកលឿន ហើយទៅបុកជាមួយរថយន្តថៃបើកបរជាលក្ខណៈគ្រួសារក្បែព្រំដែនកម្ពុជា-ថៃ កាលពីព្រឹកថ្ងៃទី១៦ ខែតុលា ឆ្នាំ២០២៤ នៅភូមិប្រាំបី ឃុំខ្លងហាត ស្រុកខ្លងហាត ខេត្តស្រះកែវ។

ករណីនេះសមត្ថកិច្ចថៃបានផ្តល់ពត៌មានមកសមត្ថកិច្ចកម្ពុជា ឲ្យជួយស្វែងរក ក្រុមគ្រួសារជនរងគ្រោះ នៅកម្ពុជាឲ្យមកទទួលយកសាកសពផងដែរ ៕