អន្តរជាតិះ – យោធាអ៊ីស្រាអែល បានចេញបញ្ជាឱ្យជម្លៀសប្រជាជនចេញពីតំបន់ធំៗនៃភាគខាងត្បូងប្រទេសលីបង់ ដោយប្រកាសថាតំបន់ទាំងនោះជា «តំបន់ប្រយុទ្ធ» មុនពេលមានការវាយប្រហារថ្មីប្រឆាំងនឹងក្រុមហេសបូឡា។
សូមចុច Subscribe Channel Telegram (KTN)ដើម្បីទទួលបានព័ត៌មានថ្មីៗទាន់ចិត្ត
https://t.me/topnewsktn
– កងកម្លាំងការពារអ៊ីស្រាអែល (IDF) បានជំរុញឱ្យប្រជាជនផ្លាស់ទៅភាគខាងជើងនៃទន្លេហ្សារ៉ានី ចម្ងាយប្រហែល ៤០ គីឡូម៉ែត្រ (២៥ ម៉ាយ) ពីព្រំដែន។ កងកម្លាំងការពារអ៊ីស្រាអែល បានលើកឡើងថា ខ្លួននឹងធ្វើសកម្មភាព «ដោយប្រើកម្លាំងខ្លាំងជាងមុន» ដោយចោទប្រកាន់ក្រុមហេសបូឡាពីបទរំលោភបទឈប់បាញ់ម្តងហើយម្តងទៀត។
– វាគឺជាបទបញ្ជាជម្លៀសដ៏ធំបំផុតចាប់តាំងពីបទឈប់បាញ់ បានចូលជាធរមាននៅថ្ងៃទី ១៧ ខែមេសា ដែលគ្របដណ្តប់ប្រហែល ១៤ ភាគរយនៃទីក្រុង និងតំបន់របស់លីបង់។
– កាលពីថ្ងៃពុធ អ៊ីស្រាអែល បានធ្វើការវាយប្រហារលើទីក្រុង Tyre ភាគខាងត្បូង។ ក្រុមហេសបូឡា ក៏បានបញ្ជាក់ពីការប៉ះទង្គិចគ្នាជាមួយកងកម្លាំង IDF អ៊ីស្រាអែលផងដែរ។
– ការវាយប្រហារ នៅថ្ងៃពុធនេះ បានកើតឡើងបន្ទាប់ពីលោកនាយករដ្ឋមន្ត្រីអ៊ីស្រាអែល Benjamin Netanyahu បានប្រកាសពីការពង្រីកប្រតិបត្តិការលើគោករបស់ខ្លួន បន្ទាប់ពីការវាយប្រហារដោយយន្តហោះគ្មានមនុស្សបើករបស់ហេសបូឡាលើកងទ័ពដែលកាន់កាប់ផ្នែកមួយនៃភាគខាងត្បូងប្រទេសលីបង់ និងលើជនស៊ីវិលនៅភាគខាងជើងប្រទេសអ៊ីស្រាអែល៕
