អន្តរជាតិះ – រដ្ឋាភិបាលសហរដ្ឋអាមេរិក កាលពីថ្ងៃចន្ទ បានប្រកាសទណ្ឌកម្មប្រឆាំងនឹងមនុស្ស ៣ នាក់ និងក្រុមហ៊ុនចំនួន ៩ រួមទាំងក្រុមហ៊ុនចំនួន ៤ ដែលមានមូលដ្ឋាននៅហុងកុង និងក្រុមហ៊ុនចំនួន ៤ នៅអារ៉ាប់រួម រួមទាំងក្រុមហ៊ុនទី ៩ មានមូលដ្ឋាននៅអូម៉ង់ ចំពោះការជួយសម្រួលដល់ការដឹកជញ្ជូនប្រេងរបស់អ៊ីរ៉ង់ទៅកាន់ប្រទេសចិន។
សូមចុច Subscribe Channel Telegram (KTN)ដើម្បីទទួលបានព័ត៌មានថ្មីៗទាន់ចិត្ត
https://t.me/topnewsktn
– វិធានការរបស់ក្រសួងរតនាគារនេះ ធ្វើឡើងបន្ទាប់ពីមានការប្រកាសទណ្ឌកម្ម កាលពីថ្ងៃសុក្រលើបុគ្គល និងក្រុមហ៊ុនដែលជួយដល់ការទិញអាវុធ និងគ្រឿងបន្លាស់របស់អ៊ីរ៉ង់ដែលប្រើសម្រាប់ផលិតយន្តហោះគ្មានមនុស្សបើក និងមីស៊ីលផ្លោង។
– វាកើតឡើងប៉ុន្មានថ្ងៃមុនកិច្ចប្រជុំដែលបានគ្រោងទុករបស់ប្រធានាធិបតីអាមេរិក លោក ដូណាល់ ត្រាំ ជាមួយលោក ស៊ី ជីនពីង, ជំនួបនេះត្រូវបានគេរំពឹងថា លោក ត្រាំ នឹងទទូចឱ្យមេដឹកនាំចិនជួយដោះស្រាយការប្រឈមមុខដាក់គ្នាជាមួយអ៊ីរ៉ង់ និងបើកច្រកសមុទ្រ Hormuz ឡើងវិញ។
– យោងតាមក្រសួងរតនាគារ បានបញ្ជាក់ថា ការកំណត់ថ្មីដោយការិយាល័យគ្រប់គ្រងទ្រព្យសម្បត្តិបរទេស (OFAC) គឺមានគោលបំណងទៅលើបុគ្គល និងអង្គភាពដែលបានជួយកងឆ្មាំបដិវត្តន៍អ៊ីស្លាមអ៊ីរ៉ង់លក់ និងដឹកជញ្ជូនប្រេងអ៊ីរ៉ង់ដែលបានបែងចែករបស់ខ្លួនទៅប្រទេសចិនដោយប្រើប្រាស់ក្រុមហ៊ុនមុខមាត់មួយចំនួន។
– លោក Scott Bessent រដ្ឋមន្ត្រីក្រសួងរតនាគារ បានកត់សម្គាល់ថា រដ្ឋបាលលោក ត្រាំ នឹងបន្តបង្កើនសម្ពាធលើទីក្រុងតេអេរ៉ង់ ដើម្បីដកហូតរដ្ឋាភិបាល និង- យោធាអ៊ីរ៉ង់ពីមូលនិធិសម្រាប់អាវុធ កម្មវិធីនុយក្លេអ៊ែររបស់ខ្លួន ឬការគាំទ្រសម្រាប់ប្រូកស៊ីនៅក្នុងតំបន់។
គួរបញ្ជាក់ថា លោក ត្រាំ នឹងធ្វើដំណើរទស្សនកិច្ចផ្លូវការទៅកាន់ប្រទេសចិននៅថ្ងៃទី ១៣ នេះ រហូតដល់ថ្ងៃទី ១៥ ៕
