ដល់កហើយ!នគរបាលបន្តឆែកឆេរទីតាំងកែច្នៃ និងផលិតគ្រឿងញៀនរកឃើញជនសង្ស័យវៀតណាម ៤នាក់ និងថ្នាំញៀនជិត១០០គីឡូក្រាម

ភ្នំពេញ ៖ កងកម្លាំងមន្ទីរប្រឆាំងគ្រឿងញៀន «ក៣» សហការជាមួយនគរបាលមូលដ្ឋាន បានស្រាវជ្រាវ និងបើកប្រតិបត្តិការជាក់ស្តែងបង្ក្រាបករណីជួញដូរគ្រឿងញៀនដ៏ធំមួយ ដោយចាប់ជនជាតិវៀតណាមចំនួន ៤នាក់ (ស្រី២នាក់) រួមជាមួយថ្នាំញៀនប្រមាណ ១០០គីឡូក្រាម និងវត្ថុតាងមួយចំនួនទៀតនេញតាមកាឲ្យដឹងពីឯកឧត្តម ឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀន នៃអគ្គស្នងការដ្ឋាននគរបាលជាតិ បានប្រាប់នៅរសៀលថ្ងៃទី៤ ខែធ្នូ ឆ្នាំ២០១៩នេះ។

ជនសង្ស័យទាំង៤នាក់រួមមាន៖ ទី១.ឈ្មោះ Nguyen Yuan Anh ភេទប្រុស អាយុ២៤ឆ្នាំ ជនជាតិវៀតណាម ស្នាក់នៅផ្ទះជួលគ្មានលេខ ផ្លូវ១១៣ ក្រុម២៣ ភូមិ០៣ សង្កាត់បឹងកេងកង២ ខណ្ឌបឹងកេងកង, ទី២.ឈ្មោះ Phuong Hoang Veit ភេទប្រុស អាយុ២៣ឆ្នាំ ជនជាតិវៀតណាម ស្នាក់នៅផ្ទះជួលផ្លូវ១១៣ ក្រុម២៣ ភូមិ០៣ សង្កាត់បឹងកេងកង២ ខណ្ឌបឹងកេងកង, ទី៣. ឈ្មោះ Nguyen Thi Thuy Ngoc ភេទស្រី អាយុ៣១ឆ្នាំ ជនជាតិវៀតណាម ស្នាក់នៅផ្ទះជួលគ្មានលេខផ្លូវ១១៣ ក្រុម២៣ ភូមិ០៣ សង្កាត់បឹងកេងកង២ ខណ្ឌបឹងកេងកង, ទី៤. ឈ្មោះ Nguyen Thi Thuy Ngan ភេទស្រី អាយុ២៩ឆ្នាំ ជនជាតិវៀតណាម ស្នាក់នៅផ្ទះជួលគ្មានលេខផ្លូវ១១៣ ក្រុម២៣ ភូមិ០៣ សង្កាត់បឹងកេងកង២ ខណ្ឌបឹងកេងកង។

ឯកឧត្តម ឧត្តមសេនីយ៍ឯក នាយកមន្ទីរប្រឆាំងគ្រឿងញៀន បានបញ្ជាក់ទៀតថា ក្រោយការចាប់ខ្លួន និងក្រោយការសួរនាំ កម្លាំងនគរបាលក្រោមការសម្របសម្រួលពីតំណាងអយ្យការ បានជនសង្ស័យបន្តចុះឆែកឆេរទីតាំងកែច្នៃ និងផលិតគ្រឿងញៀន ស្ថិតនៅផ្ទះលេខ១៦៨ ផ្លូវលេខ១១២ ភូមិបោះអង្គាញ់១ សង្កាត់ព្រែកឯង ខណ្ឌច្បារអំពៅ ដោយរកឃើញ ៖ ១. ក្រាមសង្ស័យសារធាតុញៀន ២០ញ្ចប់ធំ, ២. សារធាតុរាវពណ៍ស ចំនួន ៣៨ដប, ៣. ម្សៅក្រាមពណ៍ ១កញ្ចប់តូច, ៤. សារធាតុរាវពណ៍ខ្មៅ ២៤ ចានជ័រ ស្មើទម្ងន់ ៥៤៤៦៤,២៧ក្រាម, ៥. ឧបករណ៍កែច្នៃមួយចំនួនធំបន្ថែមទៀត។

បន្ទាប់ពីនគរបាលនាំជនសង្ស័យចុះឆែកឆេរទីតាំងកែច្នៃ និងផលិតគ្រឿងញៀន នៅទីតាំងខាងលើរួចមក នគរបាលបាននាំជនសង្ស័យ និងវត្ថុតាង មកមន្ទីរប្រឆាំងគ្រឿងញៀន នៃអគ្គស្នងការដ្ឋាននគរបាលជាតិ ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី៕

 

មតិ